ABŞ-da 2019-cu ildə internet istifadəçilərinin ən çox axtardıqları söz “ekzistensial” sözü olub.Buna görə ABŞ-ın “Dictionary” onlayn lüğəti “ekzistensial” sözünü ilin ən populyar sözü adlandırıb.
Lüğətə görə, 2019-cu ildə bu termin siyasətçilər tərəfindən tez-tez istifadə edilməsinə görə axtarış sorğularında lider olub.
“Ekzistensial həm sifət kimi, həm də mövzu kimi 2019-cu ildə üstünlük təşkil edən iqlim dəyişikliyi, silah istifadəsi və demokratik təsisatlarla bağlı müzakirələrdə önəmli yer tutub”, - deyə “Dictionary” bildirib.
Bundan başqa, “ekzistensial” sözü Honkonqda, Brexitdəki etirazların müzakirələri və “Notr-Dam”dakı yanğınlar zamanı səslənib.
Eyni zamanda, ABŞ senatoru Berni Sanders iqlim dəyişikliyinin “ekzistensial təhlükə yaratdığını” söyləyib. Bu açıqlamadan sonra sözün axtarışlarda sayı 179 faz artıb.
Daha sonra ABŞ-ın keçmiş vitse-prezidenti Co Bayden Prezident Donald Trampı “Amerikanın ekzistensial təhlükəsi” adlandırıb və internet istifadəçilərinin bu sözə marağı 100 faiz artıb.
