Ölkəmizdə koronavirusa gündəlik yoluxma və ölüm sayının artması cəmiyyətdə narahatlığa səbəb olub. Məsələn, dünən Azərbaycanda 2021 nəfər koronavirusa yoluxub, 29 nəfər isə vəfat edib. Karantin qaydalarının sərtləşəcəyi və SMS icazələrin tətbiqinə dair müəyyən fikirlər səslənir.
Hazırda hər kəsi maraqlandıran məsələlərdən biri SMS icazələrin tətbiq olunub-olunmamasıdır.
Tibb elmləri doktoru, professor-həkim Adil Qeybulla “Sherg.az”a bildirib ki, karantin tədbirlərinin sərtləşdirilməsi, o cümlədən SMS icazələrin tətbiqi epidemioloji duruma bağlı olacaq:
“Vəziyyət belə davam edərsə, yəni yoluxma və ölüm sayı çox olarsa, təbii ki, karantin qaydaları sərtləşə və SMS icazələr tətbiq oluna bilər”.
