Yuxu apnesi -yuxu zamanı nəfəsin dəfələrlə dayanıb yenidən başladığı ciddi bir sağlamlıq problem kimi önə çıxır. Yuxu üzrə mütəxəssis Martin Seeley bu xəstəliyin bəzi əlamətlərlə özünü büruzə verə biləcəyini söyləyərərək xəbərdarlıq edib.
Sherg.az xəbər verir ki, Böyük Britaniya üzrə təxminən səkkiz milyon nəfəri təsir edən yuxu apnesi halların üçdə birində diaqnoz edilmir. Yuxu apnesinin ən çox rast gəlinən əlamətləri arasında davamlı xoruldama yer alır. Bu xoruldama adətən boğulma hissi və ya qəfil oyanmalarla müşayiət olunur.
Yuxu zamanı baş verən nəfəs dayanması, insanın dərin yuxuya keçməsinə mane olaraq gün boyu yorğunluğa səbəb ola bilər. Martin Seeleyyə görə, əgər televizora baxarkən, kitab oxuyarkən və ya yolda gözləyərkən yuxuya getdiyinizi hiss edirsinizsə, bu, daha ciddi bir problemin xəbərçisi ola bilər.
“Mirror” qəzetində yer alan xəbərə görə, yuxu apnesi müalicə edilmədikdə yüksək qan təzyiqi, ürək xəstəlikləri, şəkərli diabet kimi ciddi sağlamlıq problemlərinə yol aça bilir. Bu amillərin hamısı uzun müddətdə psixoloji sağlamlığa da mənfi təsir göstərir.
