Sadə bir qoxu testi altı il içində ölüm riskinizi ortaya qoya bilər. Qoxu itkisinin Alzheymer və Parkinson kimi xəstəliklərin xəbərçisi ola biləcəyi bildirilir.
Sherg.az xəbər verir ki, İsveçdəki Karolinska İnstitutunun apardığı bir araşdırma yaşlı insanlarda qoxu alma hissinin zəifləməsinin ölüm və demensiya riskini artırdığını üzə çıxarıb. "The Sun" nəşrinin xəbərinə görə, araşdırma zamanı 60-99 yaş arası iştirakçıların müxtəlif qoxuları tanıma qabiliyyəti ölçülüb. 16 fərqli qoxunu düzgün tanıya bilməyən şəxslərin altı il ərzində ölüm riski, hər səhv cavab üçün yüzdə altı artıb. Alimlər qeyd edirlər ki, qoxu alma qabiliyyətinin zəifləməsi beyindəki erkən zədələrin və neyrodegenerativ xəstəliklərin göstəricisi ola bilər.
İlk əlamət
Qulaq-burun-boğaz, qoxu və dad pozğunluqları üzrə mütəxəssis və Avropa Kimyəvi Algılar Cəmiyyətinin üzvü professor Aytuğ Altundağ deyib:
“Alzheymer, Parkinson və bəzi psixiatrik xəstəliklər ilk əlamətlərini qoxu duyğusundakı dəyişikliklərlə göstərir. Buna görə də qoxu itkisini erkən mərhələdə aşkarlamaq daha ciddi nevroloji problemlərə vaxtında müdaxilə imkanı yaradır.”
Nevroloq professor Talip Asıl isə bildirib:
“Qoxu alma duyğusunun neyrodegenerativ xəstəliklər üçün bioloji göstərici kimi istifadə olunması, xəstəlik hələ klinik əlamətlərini göstərməmişdən əvvəl erkən diaqnoz strategiyalarının müəyyənləşdirilməsi və klinik halların proqnozlaşdırılmasında faydalıdır.”
