Hər bir Azərbaycan ziyalısı, ictimai fəalı, ümumən vətəndaşlarımız özünü bu prosesin daşıyıcısı kimi hiss etməlidir
Deputatın sözlərinə görə, müstəqilliyimizi əldə edər-etməz qarşımıza çıxan problemlər, ərazi bütövlüyümüzün pozulması, torpaqlarımızın işğal altına düşməsi, suveren hüquqlarımızın əlimizdən alınması milli gücümüzü məhz bu problemlər ətrafında səfərbər etməyi aktuallaşdırmışdı. Artıq bu mərhələ arxada qalıb: "Azərbaycan Prezidentinin qeyd etdiyi kimi, 20 sentyabr 2023-cü ildən sonra dövlətçilik tariximizin yeni bir mərhələsi başlayıb. Yeni mərhələ xalqımızın qarşısında tamamilə yeni vəzifələr müəyyənləşdirib, yeni çağırışlar yaradıb. Bu çağırışların ümummilli konsepsiya, ümummilli inkişafa və maraqlara çevrilməsi üçün isə milli ideya lazımdır. Bu, çox vacibdir, çünki əks təqdirdə dövlət başçısının vurğuladığı kimi əldə etdiyimiz tarixi zəfəri istismar etməklə irəliyə doğru addımlar ata bilmərik. Doğrudur, tarixi bir zəfər əldə etmişik. Amma Zəfərin yaratdığı yeni reallıqlar kontekstində Azərbaycan xalqının yeni milli ideyası yaranmalıdır. Kollektiv ağıl həmişə tək ağıldan üstündür. Məhz Azərbaycan xalqının milli kütləvi, kollektiv ağlı, təşəbbüsü və ideyaları sayəsində biz XXI əsr milli ideyamızı müəyyənləşdirməliyik. İki səbəbə görə bu, vacibdir. Hər bir Azərbaycan ziyalısı, ictimai fəal, ümumən vətəndaşlarımız bu prosesdə iştirak etməklə özünü yeni milli ideyanın daşıyıcısı və icraedicisi prosesinin komponenti kimi hiss etməlidir. Bu, əlavə enersiya, yəni milli gücün təmərküzləşməsi baxımından çox vacibdir. Prezident ona görə dedi ki, Azərbaycan ziyalıları bu prosesə qoşulmalıdırlar".
Xəbər verdiyimiz kimi, Prezident İlham Əliyevin yerli televiziyalara müsahibəsində diqqət yönəltdiyi önəmli məqamlardan biri də yeni reallıqlar fonunda gələcəyə hesablanmış addımlar, həyata keçiriləcək işlərlə bağlıdır. Dövlət başçısı qədəm qoyduğumuz yeni mərhələdə gələcək inkişafla bağlı fikirlərinin olduğunu və bir çox hallarda onların həlledici olacağını vurğulayıb. Bununla yanaşı, Prezident ziyalılara, elm adamlarına çağırış edib və bildirib ki, cəmiyyətdə də bu məsələ ilə bağlı diskussiyalar getməlidir. Yəni siyasətçilər, politoloqlar, elm adamları, ziyalılar gələcək inkişafla, əsas milli ideya və ideyalarımızın nədən ibarət olması ilə bağlı müzakirələr aparmalıdır: "Bu bir ictimai müzakirə mövzusu olmalıdır". Ölkə başçısı diqqətə çatdırıb ki, yeni dövrün yeni hədəfləri olmalıdır və biz yeni dövrə köhnə hədəflərlə gedə bilmərik. Çünki o hədəflər artıq əldə edilib. Prezidentin diqqət çəkdiyi məsələni "Sherg.az"a dəyərləndirən millət vəkili, siyasi elmlər doktoru, professor Hikmət Babaoğlu deyib ki, Azərbaycan Prezidenti yerli mətbuatımıza verdiyi müsahibə zamanı milli dövlətçilik tariximizin bir qərinəlik, 33 illik dövrünə toxunaraq bu mərhələni yekunlaşmış hesab etdi.
Deputatın sözlərinə görə, müstəqilliyimizi əldə edər-etməz qarşımıza çıxan problemlər, ərazi bütövlüyümüzün pozulması, torpaqlarımızın işğal altına düşməsi, suveren hüquqlarımızın əlimizdən alınması milli gücümüzü məhz bu problemlər ətrafında səfərbər etməyi aktuallaşdırmışdı. Artıq bu mərhələ arxada qalıb: "Azərbaycan Prezidentinin qeyd etdiyi kimi, 20 sentyabr 2023-cü ildən sonra dövlətçilik tariximizin yeni bir mərhələsi başlayıb. Yeni mərhələ xalqımızın qarşısında tamamilə yeni vəzifələr müəyyənləşdirib, yeni çağırışlar yaradıb. Bu çağırışların ümummilli konsepsiya, ümummilli inkişafa və maraqlara çevrilməsi üçün isə milli ideya lazımdır. Bu, çox vacibdir, çünki əks təqdirdə dövlət başçısının vurğuladığı kimi əldə etdiyimiz tarixi zəfəri istismar etməklə irəliyə doğru addımlar ata bilmərik. Doğrudur, tarixi bir zəfər əldə etmişik. Amma Zəfərin yaratdığı yeni reallıqlar kontekstində Azərbaycan xalqının yeni milli ideyası yaranmalıdır. Kollektiv ağıl həmişə tək ağıldan üstündür. Məhz Azərbaycan xalqının milli kütləvi, kollektiv ağlı, təşəbbüsü və ideyaları sayəsində biz XXI əsr milli ideyamızı müəyyənləşdirməliyik. İki səbəbə görə bu, vacibdir. Hər bir Azərbaycan ziyalısı, ictimai fəal, ümumən vətəndaşlarımız bu prosesdə iştirak etməklə özünü yeni milli ideyanın daşıyıcısı və icraedicisi prosesinin komponenti kimi hiss etməlidir. Bu, əlavə enersiya, yəni milli gücün təmərküzləşməsi baxımından çox vacibdir. Prezident ona görə dedi ki, Azərbaycan ziyalıları bu prosesə qoşulmalıdırlar". Parlament üzvü vurğulayıb ki, yeni milli ideyamız Azərbaycanın inzibati-siyasi coğrafiyasında deyil, Azərbaycan xalqının tarixi, mədəni coğrafiyasında siyasi və ideoloji identikliyi yaratmaqdan ibarət olmalıdır. Yeni milli ideyamızın əsasında Azərbaycanın tarixi-siyasi coğrafiyasında milli identikliyimizi təmin edəcək ideoloji-siyasi əsasların formalaşdırılması lazımdır. Bununla Azərbaycan xalqı öz gücünə qovuşacaq. Beləliklə, tarixən oynadığı missiyanı yenidən özünə qaytarmış olacaq. Ona görə də düşünürəm ki, ideoloji paradiqmalar azərbaycançılıq üzərində qurulmalıdır. Siyasi paradiqmalar isə neokonservatizm üzərində qurulmalıdır. Yəni sosial, ideoloji və siyasi identiklik bir-birini ilk növbədə şüurlarda tamamlamalıdır ki, bunu həyata keçirmək mümkün olsun. Azərbaycanın tarixi coğrafiyası yenidən bütövləşsin. Məncə, Azərbaycan xalqının yeni milli ideyası bu əsaslarda inşa edilməlidir".
