Türkiyə Prezidenti Rəcəb Tayyib Ərdoğan TUSAŞ-da baş verən terror hücumu ilə bağlı Kazana səfərini yarımçıq qoyacaq.
Axar.az xəbər verir ki, bu barədə "A Haber" telekanalı məlumat yayıb.
Bildirilib ki, prezidentin oktyabrın 24-də Kazanda planlaşdırılan görüşləri də təxirə salınıb. Hətta o, bu gün keçirilən rəsmi ziyafətdə də iştirak etməyib.
Qeyd edək ki, Türkiyədə TUSAŞ-ın istehsal obyektində baş verən terrorda 5 nəfər həlak olub. 22 nəfər yaralanıb.
