“Fransız parlamentarilərin Dağlıq Qarabağa səfəri Fransa hökümətinin illərdir tutduğu haqsız mövqenin sübutudur”.
Bunu “Atlas” Araşdırmalar Mərkəzinin eskperti Kənan Paşayev deyib.
Analitik bildirib ki, bu tip hal ilk dəfə baş vermir:
“İllərdir, fransızlar tərəfindən atılan bu cür addımların şahidi oluruq. Belə bir ölkənin ATƏT-in Minsk Qrupunun həmsədr ölkəsi kimi fəaliyyətini davam etdirməsi vəziyyətin nə dərəcədə acınacaqlı olduğundan xəbər verir. Fransa həmişə ermənipərəst mövqeyi ilə fərqlənib və seçilib.
Artıq ölkəmiz tərəfindən Fransa barəsində ATƏT-in Minsk Qrupuna nota verilməli və Fransanın fəaliyyətinə son qoyulması tələb edilməlidir. Bu cür ikibaşlı gedişlər yalnız və yalnız münaqişənin uzanmasına xidmət edir”.
