Fransanın baş naziri Fransua Bayru tarixdə ən aşağı reytinqlə Matinyon sarayında işə başlayır, həmvətənlərin yalnız 34%-i onun təyinatını və yeni statusunda ilk addımlarını bəyənir.
APA xəbər verir ki, bunu Fransa İctimai Rəy İnstitutunun Le Journal du Dimanche qəzetinin sifarişi ilə 2 min fransız arasında keçirdiyi sorğu sübut edir.
Tədqiqatçılar qeyd edirlər ki, Bayrunun sələfləri nəzərəçarpacaq dərəcədə yüksək bəyənmə reytinqləri ilə işə başlamışlar. Beləliklə, onun sələfi Mişel Barnier hökumətin başındakı səlahiyyət müddətinə görə antirekord qoyub. O, işin ilk ayında həmvətənlərinin 45%-nin dəstəyini qazanıb. Ondan əvvəlki Nazirlər Kabinetinin rəhbərləri Qabriel Attal və Elizabet Born müvafiq olaraq 54% və 57% müsbət reytinqə malik olublar.
Respondentlərin bəziləri Bayrunun baş nazir vəzifəsini istəməsini, ölkənin problemləri ilə məşğul olmaq arzusundan daha çox, şəxsi ambisiyalarını təmin edilməsi kimi qiymətləndiriblər.
Qeyd edilir ki, prezident Emmanuel Makronun özünün reytinqi kifayət qədər aşağı səviyyədədir. Cəmi 24% onun dövlət başçısı kimi fəaliyyətindən razıdır, 76% isə Makrona rəğbət bəsləmir.
