"Düşmən bir daha Azərbaycanın gücünü gördü. Onlar başa düşdülər ki, Azərbaycanla oyun oynamaq olmaz. Bütün bunların nəticəsi göz qabağındadır. Onlar yalvara-yalvara təslim olmaqla bərabər, bütün dünyada rəzil oldular".
Bu sözləri "Sherg.az" açıqlamasında türkiyəli ictimai xadim, "EkoAvrasya" Fondu" İdarə Heyətinin başqanı, “EkoAvrasiya” jurnalının baş redaktoru Hikmet Eren deyib.
O qeyd edib ki, “Prezident İlham Əliyev dəfələrlə çıxışlarında qarşı tərəfi silahı yerə qoymağa çağırırdı. Onlar isə tamam başqa xülyalarla yaşayırdılar. Buna əhəmiyyət vermək istəmirdilər. Başa düşmürdülər ki, Azərbaycan bir günün içində Xankəndiyə daxil ola bilər. Onların əməliyyatların bir günü tamam olmamış təslim olmaları göstərdi ki, düşmən hansı rəzil durumdadır”.
H. Erenin sözlərinə görə, separatçıların zərərsizləşdirilməsi ilə bağlı Azərbaycanın atdığı addımları heç kim qınaya bilməz: “Azərbaycan öz ərazisində separatçılara qarşı tədbirlər gördü. Bu, beynəlxalq hüquqda rəsmi Bakının haqlı olduğunu göstərir. Qardaş Azərbaycan Vətən müharibəsindən sonra ikinci böyük qələbəsinə imza atdı. Türkiyənin mənəvi-psixoloji və beynəlxalq dəstəyi Azərbaycanın apardığı haqlı tədbirlərə böyük stimul oldu. Bu dəfə də, Müzəffər Ali Baş Komandan İlham Əliyev adını tarixə qızıl hərflərlə yazdırdı. Allah şəhidlərimizə rəhmət eləsin. Qazilərimizə isə şəfalar diləyirəm”.
