“Azərbaycanlı qardaşlarımız 30 ilə yaxın işğalın ardından öz torpaqlarına qovuşdu”.
“Report” xəbər verir ki, bunu Türkiyə Prezidenti Rəcəb Tayyib Ərdoğan 29 oktyabr Türkiyə Cümhuriyyətinin yaranması günü münasibətilə ölkə əhalisinə videomüraciətində deyib.
“Terrorla mübarizədən ictimai təhlükəsizliyə, sərmayələrdən tutmuş sərhədlərimizdən kənarda həyata keçirdiyimiz əməliyyatlara qədər heç bir zəifliyin yaranmasına imkan vermədik. Bu müddət ərzində üsyançılarla qarşı-qarşıya qalan liviyalı qardaşlarımıza, Qarabağdakı işğala qarşı mübarizə aparan Azərbaycan türklərinə verdiyimiz güclü dəstək hər iki ölkənin taleyini dəyişdi”, - Ərdoğan qeyd edib.
