Dünən Ermənistanın müharibə cinayətləri Türkiyə parlamentində müzakirə olunub. Böyük Millət Məclisinin (TBMM) sədri Mustafa Şentopun iştirakı ilə parlamentdə "İkinci Qarabağ müharibəsi və Ermənistanın Hərbi Cinayətlər Paneli", "Hərbi Cinayətlər Fotoşəkil Sərgisi" keçirilib.
Tədbirdə 1915-ci il hadisələri ilə bağlı Türkiyəyə qarşı haqsız ittihamlar və iddialar, "İkinci Qarabağ müharibəsindəki müharibə cinayətləri", insan hüquqlarının pozulması siyasi, hüquqi, elmi, akademik baxımdan dünyaya çatdırılması üçün ictimailəşdirilib.
Siyasi elmləri doktoru, politoloq Cümşüd Nuriyevin “Sherg.az”a açıqlamasına görə, TBMM-də erməni vəhşiliklərinin müzakirəsi çox lazımlı bir məsələdir:
“Türkiyə gərək bu mövzunu çoxdan müzakirə edərdi. Çünki ötrən əsrin əvvəllərində genosidə məruz qalan məhz türklər olub, nəinki ermənilər. Ancaq türk ordusunda erməni kökənli 17 general, 365 yüksək rütbəli zabit, 1700 nəfərdən çox aşağı zabit heyəti və 7780 əsgər olub. Yəni türk ordusunda 9 minə yaxın erməni olubsa, burada hansı soyqırımıdan danışmaq məsələsi gündəmə gəlir. Yaxşı olar ki, parlamentdə Sarıqamış və Ərzurumla bərabər müasir dövrdəki erməni vəhşiliklərini gündəmə gətirsinlər. 1918-ci ildə Bakıda, Şamaxıda, Qubada, İrəvanda və Naxçıvanda törədilən vəhşiliklər də müzakirə olunmalıdır. Həmçinin son 30 ildə ermənilərin əvvəlcə Qaradağlıda, sonra da Meşəli, Malbəylidə törətdikləri və əsrin ən böyük faciəsi olan Xocalı soyqırımı gündəmə gətirilməlidir”.
“Türkiyə parlamentində erməni cinayətlərinə dair məsələlərin müzakirəsi hansı effekti verəcək?” sualına gəlincə, C.Nuriyev vurğulayıb ki, erməni cinayətlərinin gündəmə gəlməsi və Türkiyə arxivində olan materialların üzə çıxması çox mühümdür:
Türkiyə ərazisində 80 minə yaxın Ermənistandan keçən erməni var. Onlar deportasiya olunmalıdır. Əks halda birmənalı şəkildə Ermənistandan imtina etməlidirlər. Çünki Türkiyə Prezidenti də erməni keşişinə məktub ünvanlayıb. Türkiyədəki ermənilər ya həqiqəti dillərinə gətirməli, ya da Türkiyəni tərk etməlidirlər. Heç bir erməni soyqırımı olmayıb.
Türkiyənin parlamentdə ermənilərlə bağlı mövuzunu müzakirə etməsi yeni bir istiqamət açacaq. Azərbaycan olaraq hər zaman qardaş ölkənin yanındayıq. Nə qədər ki, Türkiyə 44 günlük müharibə vaxtı yanımızda oldu, biz də qardaş ölkəni dəstəkləyirik. Azərbaycan Prezidenti də hər zaman bunu elan edir. Azərbaycan ziyalılarının da borcudur ki, hamılıqla birlikdə Amerikanın ağılsız və düşünülməmiş, amma həddindən artıq riyakar mövqeyini gündəmə gətirməklə onların törətdikləri bütün vəhşilikləri və soyqırım aktlarını dünyaya bəyan edək.
Ona görə də məhz TBMM-də ermənilərin müharibə cinayətlərinə dair müzakirələrin yer alması yeni siyasi pəncərənin açılmasına səbəb olacaq. Bu da bizə lazım idi”.
