İran "İsrail iddiasını" saqqız kimi çeynəyir
Yusif Nəzərli
22:26 15.10.2021
Siyasət
563
Əlisahib Hüseynov: "30 ildə bütün Yaxın və Orta Şərq coğrafiyası üçün terrorçu dəstələri rəsmi Tehranın “strateq”ləri özləri yaradıb"
Dövlət Sərhəd Xidməti açıqlama yayaraq Azərbaycan ərazisində üçüncü ölkənin və ya hər hansı terrorçu dəstələrin mövcud olmadığını rəsmi şəkildə bəyan edir. Eyni zamanda üçüncü ölkələr tərəfindən Azərbaycan ərazisindən İrana qarşı kəşfiyyat məqsədilə istifadə olunması barədə iddiaların yalan olduğunu bildirir. Lakin məkrli geosiyasi oyunlar oynamağa çalışan Tehrandakı molla-fars rejiminin nümayəndələri “İran heç bir qonşu ölkədə İsrailin mövcudluğuna dözməyəcək” kimi absurd bəyanatı tutuquşu kimi təkrarlamağa davam edirlər. İran Xarici İşlər Nazirliyinin sözçüsü Səid Xətibzadə isə jurnalistlər üçün verdiyi brifinqdə isterikaya qapılaraq deyib ki, İran öz təhlükəsizliyi ilə bağlı heç kəslə zarafat etmir: “İsrail hara daxil olursa, ora qeyri-sabitlik, terror gətirir. Biz bu barədə Bakıya demişik. İsrail bölgənin qeyri-sabit olmasını istəyir. Tehran və Bakı üçüncü ölkələr onların münasibətlərinə mane olmasın deyə ehtiyatlı olmalıdırlar. Biz heç bir qonşu ölkədə İsrailin mövcudluğuna dözməyəcəyik”.
Milli Həmrəylik Partiyasının sədri Əlisahib Hüseynov “Şərq”ə açıqlamasında bildirib ki, bu sözlər bir diplomata, XİN rəsmisinə yaraşan ritorika deyil. Partiya rəhbərinin sözlərinə görə, mollalar İranı bu cür primitiv zehniyyətlə idarə edirlər:
“İran qonşularına münasibətdə “ikili standart”lardan çıxış etməyə üstünlük verir. Görünən odur ki, onlar yalan və böhtan xarakterli məlumatlar yaymağı, təhrikçi ifadələr işlətməyi də artıq dövlət siyasətinə çevirməkdədirlər. İran siyasətçiləri və generalları Azərbaycan ərazisində, xüsusən də sərhədyanı bölgələrdə İsrailə aid hər hansı bir hərbi obyektin və yaxud insani qüvvənin, resursun olması barədə indiyə qədər bir dənə də olsun real fakt, sübut ortaya qoya bilməyiblər. Lakin “İran heç bir qonşu ölkədə sionizmin mövcudluğuna dözməyəcək” uydurmasını saqqız kimi çeynəməyə davam edirlər. Son 30 ildə bütün Yaxın və Orta Şərq coğrafiyası üçün terrorçu dəstələri rəsmi Tehranın “strateq”ləri özləri yaradıb, bəsləyirlər. Ancaq utanmadan Azərbaycan ərazisində hansısa terrorçuların olmasından dəm vururlar. Bu mollalar həqiqətən də çox gülməlidirlər”.
Oxşar xəbərlər
Xəbər lenti
Hamısına bax
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm
Paşinyan: Sabah TRIPP layihəsinin başlanması rəsmən elan ediləcək
15:05 21.11.2026
Region