Ağstafada yol-nəqliyyat hadisəsi baş verib.
APA-nın yerli bürosunun məlumatına görə, rayonun Vurğun qəsəbəsində “VAZ” markalı minik maşını ilə “Ford transit” markalı yük maşını toqquşub. Nəticədə hər iki avtomobilin sürücüsü xəsarət alaraq, xəstəxanaya yerləşdirilib.
Xəsarət alanlar 1988-ci il təvəllüdlü Hüseynov Elvin Əkrəm oğlu və 1990-cı il təvəllüdlü Ələkbərov Vüsal İlqar oğludur.
Hadisə yerinə DYP əməkdaşları cəlb olunub. Faktla bağlı araşdırma aparılır.
