“Sərhəddə “hazır ol” əmri verən müdafiə naziri Zakir Həsənov ardınca Qarabağa getdi: azad olunmuş ərazilərdə ordunun döyüş qabiliyyətinin artırılması ilə bağlı tapşırıqlar verilib. Ordu iki cəbhədə də hazırdır...”.
Bu sözləri siyasi şərhçi Asif Nərimanlı deyib.
Ehtiyatda olan polkovnik Üzeyir Cəfərov analitikin fikirlərini “Sherg.az”a dəyərləndirdi:
“Biz işlərimizi düşmənin hərəkətlərinə görə yox, əvvəlcədən müəyyənləşdirilmiş proqrama görə həyata keçiririk. Əlbəttə, təxribatlar məqsədlidir. Belə hallar gözlənilən idi. Gələcəkdə də olacaq. Çünki Ermənistana konkret tapşırıq olub. Hədəf ATƏT-in Minsk Qrupunu “dirçəltməkdir””.
Ü. Cəfərov, həmçinin bildirdi ki, Azərbaycan düşmənin istənilən provokasiyasına adekvat cavab verəcək:
“Heç bir çətinlimiz, nahatlığımız yoxdur. Əvvəllər daha təmkinli davranırdıq. Sülhməramlılar vasitəsilə erməniləri “ağıllandırmağa” çalışırdıq. İndi isə tapşırıq verilib ki, düşmənin təxribatının qarşısı alınsın. Delimitasiya və demarkasiya prosesindən sonra ermənilər Azərbaycan qanunlarına əməl etməkdən boyun qaçırsalar, anti-terror əməliyyatı keçiriləcək. Və bu zaman iş sərhəd qoşunlarının yox, daxili qoşunların öhdəsinə düşəcək”.
