Ermənistan ordusunda psixi problemləri olan əsgərlər üstünlük təşkil edir.
Bunu Trend-ə analitik-icmalçı Ehtiram Aşırlı erməni hərbi qulluqçuların xidmətdən yayınmağa davam etməsini şərh edərkən deyib.
E.Aşırlının qeyd edib ki, Ermənistan Müdafiə Nazirliyinin Mərkəzi Hərbi Xəstəxanasından 18.08.2018-ci il tarixində 4 əsgərin hərbi xəstəxanada uzunmüddətli müalicə aldığı bildirilib, lakin onlar tam sağalmayıb, son müalicəni almayıb və xidmət yerinə getməkdən imtina ediblər. Müdafiə Nazirliyinin məlumatına görə, müdafiə nazirinin müavini Qabriel Balayan, Ermənistan Müdafiə Nazirliyinin Hərbi Polis Şöbəsinin rəisi, polkovnik Aleksandr Avetisyan və digər rəsmi şəxslər məsələni aydınlaşdırmaq üçün xəstəxanaya səfər ediblər. Səfər zamanı müxtəlif hərbi hissələrin dörd hərbi qulluqçusu nazirliyin Mərkəzi Hərbi Komissiyası tərəfindən tanıdılıb və onların xidmət yerinə qayıtmaq istəmədiklərini bildiriblər. Müdafiə Nazirliyinin müvafiq hərbi qulluqçuları tərəfindən aparılan izahat işinin nəticəsi olaraq, Hovhannisyan və A.Avoyan hərbi hissəyə qayıtmağa və xidmətini davam etdirməyə hazır olduğunu bildirib. Hərbi Polis Şöbəsinin əməkdaşları ilə birlikdə Kirakosyan və Y.Qukasyan nazirliyin N saylı hərbi hissəsinə köçürülüb. Lakin hərbi hissələrinə, xidməti yerlərinə qayıtmaq istəməyən əsgərlərlə bağlı cinayət işi başlanıb və araşdırma aparılır".
Analitikin sözlərinə görə, işğalçı ölkənin müdafiə naziri dəyişəndən sonra da (David Tonoyan gələndən) ölkənin ordusunda əsgərlərin hərbi xidmətdən yayınmasının, fərarilik hallarının azalması əvəzinə, daha da artma halları müşahidə olunur. Bu o deməkdir ki, heç də Tonoyanın bəyan etdiyi kimi ordusunun əsgərləri psixoloji cəhətdən hazır deyil:
"Ermənistan ordusunda vətəndaşların və hərbi qulluqçuların xidmətdən yayınmaları heç də təsadüfi hal deyil. Belə ki, Ermənistan ordusunda təcavüzkarlıq, zorakılıq və homoseksuallıq hallarının yayılması vətəndaşların və hərbi qulluqçuların xidmətdən yayınmasına başlıca səbəbdir. İşğalçı ölkənin ordusunda psixi problemləri olan əsgərlər üstünlük təşkil edir. Bir müddət sonra David Tonoyan orduda xidmət etməyə adam tapmayacaq və özü təkbaşına xidmət edəcək. Digər tərəfdən, Ermənistan ordusu ruhi dispanser kimi fəaliyyət göstərəcək, David Tononyan da psixi problemləri olan hərbi qulluqçularına "dəlilik kağızı" yazmaqla məşğul olacaq".
