"Cənub Qaz Dəhlizi layihəsində Azərbaycanın mavi qazının Avropaya, o cümlədən Bolqarıstana çatdırılması nəzərdə tutulub”.
Bu barədə "Sherg.az”a iqtisadçı-ekspert Vüqar Bayramov bildirib.
O vurğulayıb ki, eyni zamanda mavi qazın daxili şəbəkə vasitəsilə də Bolqarıstan bazarına çıxarılması müzakirə obyektidir:
"Güman olunur ki, bazarın tələbindən asılı olaraq, illik yarım milyard kub/metr mavi qaz Bolqarıstana çıxarılsın. Nəticədə Bolqarıstanın mavi qaza olan tələbinin ödənilməsi təmin olunacaq.
Qeyd olunur ki, TANAP vasitəsilə bu il 6 milyard kub/metr mavi qazın Türkiyə bazarına çıxarılması mümkün olacaq. Avropa bazarına çıxarılacaq mavi qazın həcmi 10 milyard dollar olacaq. Bolqarıstan da bu şəbəkənin daxilində qaz almaq imkanına malik olacaq”.
Qeyd edək ki, Prezident İlham Əliyev Bolqarıstan Prezidenti Rumen Radev ilə telefon danışığında Cənub Qaz Dəhlizinin icrasının uğurla davam etdirilməsinə toxunub. Ölkə başçısı bildirib ki, bu il TANAP layihəsinin başa çatması gözlənilir və yaxın gələcəkdə Azərbaycan qazı Bolqarıstan ərazisinə çatdırılacaqdır.
Aysel Aslan
