Azərbaycan və Orta Asiyanın bir qrup media rəhbəri Türkiyə Cümhuriyyəti dövlətinin dəvəti ilə Ankaraya gediblər.
Bu barədə musavat.com-a "Yeni Müsavat” Media Qrupunun rəhbəri Rauf Arifoğlu məlumat verib.
O, bildirib ki, "Tarixə və Milli Birliyə Şahidlik” proqramı əsasında Türkiyədədirlər və bu proqram çərçivəsində Türkiyənin bir sıra üst düzey yetkililəri və media quruluşları ilə görüşlər nəzərdə tutulub. Tədbir 2 gün Ankarada, daha 3 gün isə İstanbulda həyata keçiriləcək.
Tədbirdə Azərbaycanı 3 media nümayəndəsi təmsil edir. Bunlardan biri "Yeni Müsavat” Media Qrupu rəhbəri R.Arifoğlu, digər ikisi isə "Yeni Azərbaycan” qəzetinin baş redaktoru, deputat Hikmət Babaoğlu və "Xalq Cəbhəsi” qəzetinin baş redaktoru Elçin Mirzəbəylidir.
