Türkiyənin baş naziri Binəli Yıldırım, "15 iyul Şəhidlər Köprüsü”ndən özünü atmaq istəyən vətəndaşı intihar fikrindən daşındırıb.
Sherg.az Türkiyənin "Yeni Şəfəq” qəzetinə istinadən bildirir ki, baş nazir intihar etmək istəyənə təsəlli vermək üçün öz xidməti avtomobilinə mindirərək, ona su verib.
"Gəl bərabər gedək”
Hadisə dünən axşam saatlarında yaşanıb. Tuzladakı evindən çıxan Binəli Yıldırım İstanbulun Avropa səmtinə gəlirmiş. İntihara cəhdi görən baş nazir, maşın konvoyunu saxladaraq özünü köprüdən atmağa çalışan vətəndaşın yanına gedib. Qarşısında baş naziri görən T.T adlı vətəndaş, intihar fikrindən daşınıb. Yıldırım qorumalarının köməyi ilə vətəndaşı təsəlli edib, ona su içirməyə çalışıb: "Gəl gedək” deyərək əlindən tutduğu vətəndaşı xidməti avtomobilinə aparıb, yanında oturdub. Hətta baş nazir T.T ilə birlikdə mədəniyyət və turizm naziri Numan Kurtulmuşun qızının nikah mərasiminə də gedib.
"Hər qaranlığın sonunda bir aydınlıq var”
Xidməti avtomobildə başlayan söhbət toy mərasiminin keçirildiyi salonda da davam edib. Baş nazir Yıldırım – "Bir daha belə şeylər ağlına gətirmə. Heç nə insanın həyatına son verməsinə səbəb ola bilməz. Hər kəsin depressiyaya düşdüyü günlər olub. Belə halda Allaha sığınmaq və səbr etmək lazımdır. Hər qaranlığın sonunda bir aydınlıq var. Cənabı Haqqdan əsla ümidimizi kəsməməliyik. Bundan sonra hər şey daha gözəl olacaq, özünü sıxma” - deyib.
İlk yardım baş nazirin həkimləri tərəfindən edilib
Taksi ilə hadisə yerinə gəlmiş T.T-nin körpünün ortasında taksidən tullandığı və sinəsindən yaralandığı məlum olub. İlk tibbi yardım baş naziril həkimləri tərəfindən edilib. Vətəndaş sonra təsili yardım maşını ilə xəstəxanaya aparılıb.
40 yaşındakı T.T-nin qardaşları ilə yaşadığı problemlər səbəbilə depressiyaya düşdüyü və həyatına son vermək istədiyi iddia edilir.
Anar
