Saat 10.05. Bu gün səhər saatlarından paytaxtın Nizami raonunda, 8-ci kilometr qəsəbəsində yerləşən "Diqlas” ticarət mərkəzində başlayan yanğın ticarət mərkəzini tamamilə külə döndərib. Musavat.com-un hadisə yerində olan əməkdaşı xəbər verir ki, artıq bu ticarət mərkəzində yanğından mühafizə ediləsi heç nə qalmayıb.
Əməkdaşın verdiyi xəbərə görə, ticarət mərkəzindəki yanğın zamanı bir nəfər ağır xəsarət alıb. İlkin versiya bundan ibarətdir ki, yanğından öncə yaxınlıqdakı dönərxanada olan qaz balonu partlayıb, bu zaman bir nəfər ağır yaralanıb. Həmin təcili tibbi yardım maşını ilə xəstəxanaya aparılıb. İlkin məlumata göər, ticarət mərkəzinin içindəki bütün obyektlər, eləcə də "Diqlas”ın ətrafında açıq havada olan bütün xlrda ticarət obyektləri yanıb.
***
Saat 09.50: Bakının 8-ci kilometr adlanan ərazisindəki "Diqlas” ticarət mərkəzində və təyinatlı obyektlərin yerləşdiyi ərazidə davam edən yanğının söndürülməsinə Fövqəladə Hallar Nazirliyinin Aviasiya dəstəsinin helikopteri cəlb olunub.
