"Avropa ölkələri işğal olunmuş ərazilərimizə gedərkən fərdi qaydada getidklərini, öz ölkələrini təmsil etmədiklərini irəli sürürlər”
Bunu "Sherg.az”a açıqlamasında siyasi elmlər namizədi Zaur Məmmədov deyib.
Dağlıq Qarabağa qanunsuz səfər edənlərlə bağlı danışan analitik vurğulayıb ki, əslində işğal olunmuş ərazilərimizə gələn, daha doğrusu müxtəlif üsullarla gətirilən şəxslərin çoxu Qarabağda olmaq istəmirlər. Çünki indiki vaxtda həmin ərazidə sağlam infrastruktur və həyat yoxdur:
"Sadəcə olaraq dünyadakı erməni lobbisi müəyyən şəxsləri planlı şəkildə Dağlıq Qarabağ gətirir və orada təbliğat işi aparır. Aydındır ki, bu cür səfərlərin baş tutması üçün arzuolunmaz qonaqlara erməni lobbisi tərəfindən pul ödənilir.
Lakin problem odur ki, Qarabağa səfər edən şəxsin rəsmi statusu var və o istər-istəməz hansısa ölkəni təmsil edir. Onlar anlamalıdır ki, siyasi etika deyilən bir məfhum var. Hər bir siyasətçi öz dövlətinin maraqlarını və beynəlxalq hüquqları nəzərə almalıdır.
Özlərini demokratiya carçısı kimi qələmə verən Avropa ölkələri isə bu məqama xüsusilə diqqət yetirməlidirlər. Qarabağa qanunsuz səfərlər həyata keçirmək humanizmə və demokratiyaya zidd addımdır”.
İsmayıl
