Gürcüstan-Azərbaycan sərhədində ölüm hadisəsi baş verib.
Trend-in məlumatına görə, hadisə Qazax rayonunun İkinci Şıxlı kəndi ərazisində baş verib.
Belə ki, "Mercedes Benz Actros" markalı, Özbəkistan qeydiyyat nişanlı yük avtomobili ilə Gürcüstandan "Sınıq Körpü" gömrük postu vasitəsi ilə Azərbaycan ərazisinə keçən Özbəkistan vətəndaşı, 1971-ci il təvəllüdlü Azimov Alijon Axmadaliyeviç idarə etdiyi avtomobili İkinci Şıxlı kəndi ərazisindəki "TIR" parkında saxlayıb və iş yoldaşına özünü narahat hiss etdiyini deyib. Bir neçə dəqiqə sonra isə o vəfat edib.
Hüquq-mühafizə orqanlarının əməkdaşları hadisə yerinə baxış keçirib, meyit daxili və xarici müayinə edilib.
Faktla bağlı Qazax Rayon Prokurorluğunda araşdırma aparılır.
