Xəbər verdiyimiz şair Cəlil Cavanşir şəxsi sosial şəbəkə hesabından canlı yayım edərək damarlarını kəsib və intihara cəhd edib.
Şairin canlı yayımda intihara cəhd etməsi sosial şəbəkələrdə birmənalı qarşılanmayıb və ciddi müzakirələrə səbəb olub. Bir çoxları onun bu əməlini tənqid ediblər.
İntihar cəhdi ilə bağlı Xalq artisti Faiq Ağayev də münasibətini açıqlayıb. Sherg.az bildirir ki, müğənni C.Cavanşirin canlı yayında intihar etməsini qınayan insanları sərt tənqid edib.
"Nə qədər murdar, məhv olmağa layiq olan məxluqatlar varmış aramızda, İlahi!
Cəlil Cavanşirin özünəqəsd yayımına baxa bilməmişdim, tədbir idarə edirdim. Dostlarım xəbər verdi, yarım dəqiqəlik kənara çəkilib, dərhal rəy yazdım ki – "etməyin!”.
Baş verənləri anlamırdım da açığı, düşündüm ki, bəlkə bir sənət "performance”dır bu, düşünülmüş "göstəri”dir, intihar cəhdi deyil.
Ancaq indi o görüntülərə rast gəldim.
Ürəyim ağradı…
Heç cür haqq da qazandırmıram Cəlilə. Sevdiyim ədib, dərin bir insandır. Qəti etməməli idi.
Amma…
Rəylərə baxıram – "tırka” verən kim, heyvancasına "adə, hırrey” anqıran kim.
Tfu! Lənət olsun!
Əslində, bir acı həqiqət var.
Kütləni, əyri-əskiklərinə göz yumub, yalnız tərifləyəndə, meydana bax belə cəhənnəm varlıqları, nainsanlar çıxır.
Dəyəri, mənəviyyatı, düşüncəsi, dərrakəsi "0”- (sıfrdan mənfi) olanlar özünü cəmiyyətin tamhüquqlu üzvləri sanıb, hərəkətləri ilə toplumumuzu İnsan, Xalq, Millət anlayışlarıından iraq salırlar.
Onlar mütləq tapılmalı, təxirəsalınmaz şəkildə aşkar olunmalı və "intihara təhrik” maddəsi ilə cəzalandırılmalıdırlar.
KİV-lərdə geniş işıqlandırma şərti ilə!”.
