Hatayın Yayladağı rayonunda yaşayan 103 yaşlı Beşir Sünger həyat yoldaşını Covid-19-dan itirsə də özü xəstəxanasının qarşısından belə keçməyib. Süngər uzun ömrün sirrini açıb.
Sherg.az xəbər verir ki, Yayladağı rayonunun Bezge məhəlləsində yaşayan Beşir Süngerin şəxsiyyət vəsiqəsində rəsmi olaraq 1929-cu il təvəllüdlü kimi görünsə də, ailəsi qocanın 103 yaşında olduğunu deyir. Həyat yoldaşı Covid-19-a yoluxan və dünyasını dəyişən Beşir Sünger pandemiya zamanı xəstəxanaya belə baş çəkməyib. Keçmişdən günlərini namaz qılmaqla keçirən qoca qocalıq səbəbindən eşitmə qabiliyyətini və unutqanlığını itirməsinə baxmayaraq ibadətini tərk etmir. Ömründə heç vaxt siqaret çəkməyən Beşir keçmişdən bəri ətrafında heç kimə siqaret çəkməyə icazə verməyib.
Atasının yaşamaq sirrinin qayğıkeşlik və təbii şeylər yemək olduğunu bildirən Nuri Sünger deyib: “Atamın 103 yaşı var. Şəxsiyyət vəsiqəsində 1929-cu ildə doğulduğu yazılıb. Atam səhər durub səhər yeməyini yeyir. Namazlarını qılır, ibadət edir. Atam təbii şeylər yeyir. Pendir, süd, əncir qurusu, bəhməz və üzüm kimi şeylər yeyir. Xəstəxanaya apardıq, amma geri gətirdik. Təcili yardıma minmir. Həb istifadə etmir. Anamda qəfildən nəfəs darlığı yarandı və Covid testi müsbət çıxdı. Covid-dən vəfat etdi. Atam anamla bir otaqda qalırdı, amma atam Covidə yoluxmadı. Bizi təəccübləndirdi. Çünki o, anamla eyni otaqda olub, eyni havanı alıb, amma Covid olmayıb. O, ömründə heç vaxt siqaret çəkməyib. Siqaret çəkənlərə də nifrət edir. Peyvənd vurdurmur, təcili yardım maşınına minmir və xəstəxanaya getmir. Atamın həyat sirri; təbii şeylərə qulluq etmək və yeməkdi”.
Nənəsinin Covid-19-dan öldüyünü və eyni otaqda qalan 103 yaşlı babasının belə xəstə olmadığını ifadə edən nəfə Mustafa Sünger isə bunları deyib:
“Babamın 103 yaşı var. Məhəllənin ən yaşlı iki adamından biridir. İkisi arasında kimin daha böyük olması ilə bağlı mübahisə var. Babam təbii yeməklər yeyir. O, quru ənciri və qozu sevir. Heç sevmədiyi siqaretdir. Heç vaxt siqaret çəkməyib. 34 yaşım var, amma babamın xəstəxanaya getdiyini görməmişəm. Bu yaxınlarda təcili yardım gəldi, amma içəri girmədi. O, güclə dayanır, amma yaxşı olduğunu deyir. 3 il əvvəl bizimlə güləşirdi. Babam həmişə tarlalara gedirdi. Məhəllədə vaxt keçirmirdi. Yalnız cümə günləri namaz qılmaq üçün qalırdı. Dənizə yaxın tarlaya gedir. Sağlam yaşamağın səbəbi təmiz havadır. Nənəm Coviddən öldü, babamla bir otaqda qalırdı. Babamda isə virusun heç bir əlaməti - öskürək və ya hərarət olmadı”.
