Bakı Metropoliteni iyulun 27-də Bakı Olimpiya Stadionunda keçiriləcək dünya şöhrətli müğənni Castin Timberleykin konserti ilə əlaqədar olaraq iş rejimində dəyişiklik edəcək.
Sherg.az-ın məlumatına görə, bu barədə “Bakı Metropoliteni” QSC-dən bildirilib.
Konsertin saat 20:00-da başlanması nəzərə alınaraq, metro stansiyalarının iş vaxtı iyulun 27-dən 28-nə keçən gecə 2 saat uzadılacaq. Belə ki, bütün stansiyaların girişi saat 00:00-dan 02:00-dək sərnişinlərin istifadəsində olacaq.
Bu addımın məqsədi konsert iştirakçılarının gec saatlarda ictimai nəqliyyatdan rahat və təhlükəsiz şəkildə istifadə etmələrini təmin etməkdir.
Tədbirə gedən sərnişinlərə “Koroğlu” stansiyasının 3 və 4-cü çıxışlarından istifadə etmələri tövsiyə olunur.
