Baxmayaraq ki, bəzi adamlarda saçların ağarması gendən irəli gələrək tez ağarır və bu boyunqaçırılmazdır. Amma normal halda az stres yaşayan insanların saçı daha gec ağarır
Doğrudur, yaş ötdükcə hər birmizin saçına “dən düşür”. Və bu qaçılmazdır. Bəziləri bundan utanır, bəziləri narahatlıq keçirir. Amma buna dəyməz. Çünki yaş və genlə bağlı saçların ağarması olduqca təbii haldır. Alimlər araşdırıblar ki, saçların ağarması tək yaş və genetika ilə bağlı olmur. Tədqiqatçıların qənaətinə görə, hər günü əsəb və streslə keçən insanların saçları daha tez və sürətlə ağarır.
"Sherg.az""sciencesetavenir.fr"istinadən xəbər verir ki, Harvard Univeristeti və San Paulonun “ Centre de Recherche des Maladies Inflammatoires” mərkəzinin tədqiqatçıları buna dair 2020-ci ilin 22 yanvarında “Nature” jurnalında maraqlı bir elmi araşdırma dərc ediblər.
Onlar müəyyən ediblər ki, stresin 3 növü var: ağrı-acıdan yaranan, məhdudlaşdırmadan doğan və gözlənilməz hadisə nəticəsində yaranan. Alimlər bu araşdırmanı siçanlar üzərində müxtəlif laboratoriyada aparıblar. Müəyyən ediblər ki, stres yaşayan insanın orqanizmi qara tükləri çox asanlıqla ağ tüklərlə əvəzləyə bilir.
Tədqiqatçılar siçanlara “Euphorbia resinifera”dan hazırlanmış “reziniferatoxin” vurublar. Bu molekullar həssas neyronlarda yerləşən reseptorlara təsir göstərir. Bu duyğu siçanlarda fizioloji reaksiya yaradan stresli bir vəziyyət əmələ gətirir. Təxminən dörd həftə sonra, heyvanların xəzləri tamamilə ağ rəngə boyanır. Bu barədə tədqiqatçı Tiaqo Mattar Kuna bildirib. O qeyd edib ki, bu təcrübə bir neçə dəfə yoxlanılıb və nəticə təsdiqlənib.
