“Ötən gün Polşa parlamentində gürcü xalqının ünvanına təhdidlər səsləndirilidi və bu, Gürcüstanda Avropa bürokratiyasının imicinə müsbət təsir göstərmir”.
Teleqraf-ın yerli bürosu xəbər verir ki, bunu Gürcüstanın Baş naziri İrakli Kobaxidze Budapeştdə jurnalistlərə açıqlamasında deyib.
O, gürcü xalqının bu cür təhdidlərə məruz qalmasının yolverilməz olduğunu bildirib.
“Gürcülər öz seçimini edib, ötən il ölkənin inkişafına, sülhə, Gürcüstanın Avropaya inteqrasiyasını dəstəklədilər. Bu, kiminsə xoşuna gəlsə də, gəlməsə də, hamı buna hörmətlə yanaşmalıdır. Gürcü xalqına qarşı təhdidlər isə tamamilə yersizdir. Hesab edirəm ki, bu, Gürcüstanda proseslərin fərqli istiqamətdə inkişaf edə biləcəyinə hesablanmış şantajdır. Gürcüstana bu cür şantajlar uzun illərdir ki, təsir etmir”, - baş nazir söyləyib.
Qeyd edək ki, Polşanın Baş naziri Donald Tusk ötən gün seymin iclasında Varşavanın Avropa İttifaqı üzrə tərəfdaşları ilə Gürcüstan üçün vizasız rejiminin ləğvini müzakirə etdiyini bildirib. O, Polşanın bu məsələ ilə bağlı tərəfdaşlarını razı salmaq niyyətində olduğunu vurğulayıb.
