Türkiyə sabah Rusiya və Ukrayna arasında keçiriləcək kritik bir görüşməyə ev sahibliyi edəcək. Rusiyadan kimlərin qatılacağı isə axşam saatlarında bəlli olacaq. ABŞ Prezidenti Donald Tramp da bir daha Türkiyəyə gələ biləcəyini söyləyib.
Sherg.az xəbər verir ki, Prezident təyyarəsi “Air Force One”-da jurnalistlərin suallarını cavablandıran ABŞ Prezidenti Donald Tramp, “Əgər Putin İstanbuldakı görüşdə mənim orada olmamı istəsə və bu mümkünsə, gələ bilərəm. Əgər orada olmazsam, danışıqlara qatılar, bilmirəm. Bunu birlikdə öyrənəcəyik.” deyə açıqlama verdi.
İstanbula gedib-getməyəcəyi sualına Tramp belə cavab verib:
“Sabah Birləşmiş Ərəb Əmirliklərində olacağıq. Çox sıx bir proqramımız var. Amma bu, həyat qurtarmaq üçün geri dönməyəcəyimiz anlamına gəlmir.”
Kremlin sözçüsü Dmitri Peskov isə, İstanbulda keçiriləcək Ukrayna sülh danışıqlarında iştirak edəcək Rusiya heyətinin axşam saatlarında bəlli olacağını açıqlayıb. Heyətin tərkibinin, “Putin göstəriş verdikdən sonra” elan ediləcəyini bildirib.
Peskov deyib:
“Rus heyəti sabah İstanbulda olacaq və Ukrayna heyətini gözləyəcək.”
Putinin iştirak etməyəcəyi halda, Rusiya heyətinə 2022-ci ildəki danışıqlarda olduğu kimi keçmiş Mədəniyyət naziri Vladimir Medinskinin rəhbərlik edəcəyi gözlənilir.
Ukrayna Prezidenti Zelenski isə Putinin onunla görüşməkdən qorxduğunu irəli sürərək belə deyib:
“Putinin Türkiyəyə gəlməməsi, barış və ciddi danışıqlar niyyətində olmadığını göstərən aydın bir siqnal olacaq.”
