Ermənistan Baş naziri Nikol Paşinyan İstanbulda Türkiyə Prezidenti Rəcəb Tayyib Ərdoğanla görüşdə Ağrı dağı simvolunun gerbdən çıxarılacağına söz verib.
Teleqraf xəbər verir ki, bu barədə “Hraparak” qəzeti mənbələrə istinadla məlumat yayıb.
“Ermənistan baş naziri heç bir məsələdə Türkiyə prezidentinə qarşı çıxmayıb. Müzakirə olunan məsələlərlə qeyd-şərtsiz razılaşıb, üstəlik, Ərdoğanın təklif etmədiyi bəzi şeyləri özü təklif edib.
Məsələn, o, Ağrı dağı simvolunun gerbdən çıxarılacağını deyərək qeyd edib ki, (qondarma) erməni soyqırımının tanıdılması məsələsi artıq keçmişdə qalıb, bu siyasətdən əl çəkib və bu məsələdə geriyə dönüş yoxdur.
Ətraflı
Həmçinin müzakirə zamanı məsələ (Türkiyə tərəfindən) qaldırılmadığı halda Paşinyan öz tərəfindən bildirib ki, Rusiya hərbi bazalarının Ermənistandan çıxarılması sadəcə zaman məsələsidir”.
Xatırladaq ki, Ermənistan Baş naziri Nikol Paşinyan iyunun 20-də Türkiyəyə səfər edib.
