Almaniyanın daxili işlər naziri Aleksandr Dobrindt Almaniyadan deportasiya edilən əfqanıstanlı miqrantların ölkələri tərəfindən qəbul edilməsi üçün Talibanla razılaşma əldə etmək istədiyini deyib.
APA xəbər verir ki, nazir bu barədə “Focus” jurnalına verdiyi müsahibədə danışıb.
O, Əfqanıstanla razılığa gəlmək üçün üçüncü tərəflərin vasitəçiliyinə ehtiyac olduğunu bildirib.
Xatırladaq ki, ötən ilin avqustunda Almaniya cinayət törətmiş əfqanıstanlıların deportasiya edilməsinə başlayıb.
Almaniya hazırki Əfqanıstan hökumətini tanımır və bu ölkə ilə diplomatik əlaqələr qurmayıb.
