“Türkiyə və Böyük Britaniya Rusiya və Ukrayna arasında, eləcə də Yaxın Şərqdə atəşkəs cəhdlərini dəstəkləyir”.
Teleqraf xəbər verir ki, bu barədə Türkiyə xarici işlər naziri Hakan Fidan Ankarada britaniyalı həmkarı Devid Lemmi ilə danışıqlardan sonra bildirib.
“Qəzza, Suriya, İran, İraq, Rusiya və Ukrayna arasındakı müharibə məsələlərinə dair fikirlərimiz böyük ölçüdə üst-üstə düşür. Hər iki tərəf atəşkəs səylərini dəstəkləyir”, - Fidan bildirib.
Onun sözlərinə görə, iki ölkə üçün strateji hədəflərdən biri İran və İsrail arasında atəşkəs rejimini qorumaq, onun pozulmasının qarşısını almaq və davamlı sülhə qayıtmaqdır.
Xarici işlər naziri Fələstin probleminin yalnız iki dövlətli əsasda həll edilə biləcəyini qeyd edib: “Digər tərəfdən, Qəzzada baş verən humanitar faciəyə ən qısa zamanda son qoymağımız bizim üçün vacibdir”.
