Türkiyə, Azərbaycan və Pakistan liderləri üçtərəfli məsləhət mexanizmi ilə bölgədə diplomatiya və dialoqa üstünlük vermək üçün səy göstərir.
APA-nın İstanbul müxbirinin verdiyi xəbərə görə, bu barədə Türkiyə xarici işlər naziri Hakan Fidan pakistanlı həmkarı ilə birgə mətbuat konfransında bildirib.
O qeyd edib ki, Türkiyə Cənubi Asiyada da sülh və sabitliyin tərəfdarıdır.
Nazirin sözlərinə görə, Pakistanın Hindistanla son münaqişə zamanı sərgilədiyi soyuqqanlılıq böyük fəlakətin qarşısını alıb.
