NATO-nun iyunun 24-25-də keçiriləcək sammiti müddətində Haaqa şəhərinin 16 kilometr radiusunda pilotsuz uçuş aparatlarının (PUA) istənilən buraxılışı tamamilə qadağan ediləcək.
Oxu.Az xəbər verir ki, bu barədə Niderland hökumətinin mətbuat xidməti məlumat yayıb.
Qadağa Amsterdam və Rotterdam hava limanları ətrafındakı ərazilərə də şamil ediləcək.
Qadağaları pozanları külli miqdarda cərimələr və dronların müsadirəsi gözləyir.
Qeyd edək ki, NATO-nun Haaqa sammiti (iyunun 24-25-də) çərçivəsində 45 ölkədən dövlət başçıları, xarici işlər və müdafiə nazirləri də daxil olmaqla 6 000-ə yaxın nümayəndənin iştirakı gözlənilir.
