Hebrondan olan nüfuzlu şeyxlər “Hebron Əmirliyi”nin tanınması müqabilində İsraillə sülhün tərəfdarı olublar.
Publika.az xəbər verir ki, bu barədə "The Wall Street Journal" məlumat yayıb.
Şəhərin Fələstin Muxtariyyətinin tərkibindən çıxarılması təklifini Şeyx Vadi əl-Cəbari səsləndirib. O, digər dörd şeyxlə birlikdə İsrailin İqtisadiyyat naziri Nir Barkata məktub göndərərək onu baş nazir Benyamin Netanyahuya çatdırmağı xahiş edib.
Nəşrin məlumatına görə, əl-Cəbari Hebronun ən nüfuzlu ərəb klanlarından birinin rəhbəridir.
Məktubda İsrailin Bəhreyn, Birləşmiş Ərəb Əmirlikləri, Sudan və Mərakeş ilə münasibətlərini normallaşdırmaq üçün 2020-ci ildə Vaşinqtonda imzalanmış İbrahim Sazişlərinə qoşulmaqla yanaşı, öz əmirliyinin yaradılması təklif edilir. Bunun müqabilində şeyxlər İsrail tərəfinin "Hevron əmirliyini" rayonun ərəb sakinlərinin nümayəndəsi kimi tanımasını istəyirlər.
