Siyasi elita pərdə arxasında Rusiya Prezidenti Vladimir Putinin varisi postuna mümkün namizədlərin siyahısı müzakirə olunur.
Teleqraf xəbər verir ki, bu barədə Rusiya Teleqram kanallarında məlumat yayılıb.
Məlumata görə, Kremldən ictimai siqnalların olmamasına baxmayaraq, Rusiya elitasında gələcək mövzuya maraq qalmaqdadır.
Mənbələrə görə, Rusiya prezidenti vəzifəsinin potensial varislərinin siyahısına aşağıdakılar daxildir:
- Baş nazir Mixail Mişustin
- Baş nazirin birinci müavini Denis Manturov
- Baş prokuror İqor Krasnov
Mümkün varislər arasında “şahzadə” adlandırılan şəxslərin adları da çəkilir:
Dmitri Patruşev (Nikolay Patruşevin oğlu), Boris Kovalçuk (Yuri Kovalçukun oğlu) və Anna Tsivileva (Putinin qardaşı qızı).
Həmçinin Aleksey Dyumin, Yekaterina Tixonova və Dmitri Medvedev daim gəzən söz-söhbətlərə baxmayaraq, qısa siyahıya daxil edilməyib.
Mənbənin sözlərinə görə, elitanın müəyyən hissəsi onun nüfuzunu və idarəçilik təcrübəsini nəzərə alaraq, Sergey Kiriyenkonu Putinin potensial əvəzləyicisi hesab edir.
