Qətər “Sepah”ın “Əl-Üdeyd” bazasına raket hücumunu “Qətərin suverenliyinin və hava məkanının, həmçinin BMT Nizamnaməsinin pozulması” adlandırıb.
“Report” xəbər verir ki, bu barədə Yaxın Şərq ölkəsinin Xarici İşlər Nazirliyi məlumat yayıb.
“Qətər dövləti beynəlxalq hüquqa uyğun olaraq bu açıq təcavüzə birbaşa cavab vermək hüququnu özündə saxlayır”, – rəsmi bəyanatda deyilir.
Xarici siyasət idarəsinin sözçüsü Məcid bin Məhəmməd Əl-Ənsari qeyd edib ki, Qətərin hava hücumundan müdafiə qüvvələri hücumu dəf edib və İran raketlərini uğurla zərərsizləşdirib.
