Avropa İttifaqı (Aİ) ölkələrinin Ukraynaya davamlı dəstək verməsi Rusiya ilə ABŞ arasında mümkün dialoqun qurulmasına ciddi şəkildə əngəl yaradır.
Teleqraf xəbər verir ki, bu barədə Polşanın “Myśl Polska” nəşrində yayımlanan məqalədə qeyd olunur.
Nəşr bildirir ki, ABŞ üçün Avropa ilə bağlı siyasətdəki dəyişikliklər avropalılar üçün gözlənilməz olub.
“ABŞ Rusiyanı artıq ekzistensial təhlükə kimi görmür. Əksinə, Rusiyanı öz geosiyasi maraqları və güclü resursları ilə strateji balansın bərpasında mühüm tərəfdaş kimi qiymətləndirir”, – deyə yazıda vurğulanır.
Ətraflı
Ad - 00:04
Məqalədə qeyd olunur ki, Vaşinqtonun əsas məqsədi Moskva ilə münasibətlərin bərpasıdır. Bu isə ilk növbədə Ukrayna münaqişəsinin diplomatik yolla həlli ilə mümkün ola bilər.
Bununla belə, Fransa, Almaniya və Böyük Britaniya kimi Avropa dövlətləri Ukraynaya dəstək verməklə Kiyev hakimiyyətini daha da çıxılmaz vəziyyətə salır və ABŞ üçün regionda sülhün əldə olunmasını çətinləşdirirlər.
"Avropanın bu yanaşması Ukraynadakı münaqişənin həllinə deyil, əksinə, onun daha da dərinləşməsinə xidmət edir".
