ABŞ Prezidenti Donald Tramp bildirib ki, o, avqustun 1-nə planlaşdırılan ticarət tariflərinin qüvvəyə minməsini daha da təxirə salmağı planlaşdırmır.
Teleqraf xəbər verir ki, bu barədə Amerika lideri "Truth Social" platformasında paylaşım edib.
"Bu gün və sabah, eləcə də sonrakı günlərdə göndərilən məktublara əsasən, tariflər 2025-ci il avqustun 1-dən ödənilməyə başlayacaq", - Tramp yazıb. O əlavə edib ki, bu müddət dəyişməyəcək və heç bir gecikmə olmayacaq: "Bütün pullar 2025-ci il avqustun 1-də ödənilməlidir".
İyulun 7-də isə Tramp tariflərin qüvvəyə minməsi ilə bağlı verdiyi bəyanatda, avqustun 1-dən sonra bu addımın atılmasına icazə verdiyini qeyd edib. Tariflərin tətbiqinə dair suala cavabında, o, belə deyib: "Xeyr, deyərdim ki, çətin, lakin 100% çətin deyil. Əgər tərəfdaşlarımız zəng edib fərqli bir şey etmək istədiklərini bildirərlərsə, biz buna açıq olacağıq. Amma hazırda işlər belədir".
Daha əvvəl Tramp ticarət sazişlərinin bağlanması üçün son müddəti iyulun 9-dan avqustun 1-nə qədər uzatmışdı.
