NATO-nun Haaqa sammitinin təşkilatçıları Vladimir Zelenskini görüşlərinə dəvət etməyiblər, çünki ABŞ, Türkiyə, Slovakiya və Macarıstan liderləri alyans məsələlərinə gəldikdə onunla bir masa arxasında oturmaq istəmirlər.
Axar.az xəbər verir ki, bunu Macarıstanın Baş naziri Viktor Orban Zelenskinin Niderlandda işçi görüşlərdə iştirak etməməsini şərh edərkən deyib.
“Diplomatiyada harada olduğunuz deyil, harada olmadığınız vacibdir. Zelenskinin NATO-nun heç bir rəsmi sammitində iştirak etməyəcəyi faktı göstərir ki, keçmiş fəsil bitib. Amerikalılar, türklər, slovaklar və biz aydın şəkildə bildirdik ki, NATO-dan söhbət getdikdə cənab Zelenski ilə bir masa arxasında əyləşmək istəmirik”, - deyə Orban bildirib.
