Hindistanın Himaçal Pradeş ştatında iki qardaş Hatti qəbiləsinə məxsus qədim ənənəyə sadiq qalaraq eyni qadınla ailə qurub.
Axşam.az xəbər verir ki, bu barədə Hindistanın "Press Trust" agentliyi məlumat yayıb.
Pradip və Kapil Neqi adlı qardaşlar bu ayın əvvəlində Sunite Çauhan ilə üç gün davam edən toy ediblər. Məclisdə yüzlərlə kənd sakini və qohumlar işitrak edib.
Pradip açıqlamasında "Biz bu ənənəni açıq şəkildə icra etdik, çünki bununla qürur duyuruq və bu, ortaq qərarımız idi" deyib. Qardaşı Kapil isə "Biz bir ailə kimi həyat yoldaşımıza dəstək, sabitlik və sevgi veririk" sözlərini əlavə edib.
Qardaşlardan biri dövlət qulluqçusudur, digəri isə xaricdə çalışır.
Qədim ənənəyə görə, qadın qardaşlar arasında əvvəlcədən razılaşdırılmış qrafiklə növbələşir və ailə övladları birlikdə böyüdür. Ən böyük qardaş isə rəsmi ata sayılır.
Qadın hüquqlarını müdafiə edən "Hindistan Demokratik Qadınlar Assosiasiyası" isə bu nikahı pisləyib.
