Son illərdə populyarlaşan aralıqlı orucun (intermittent fasting) faydaları arasında arıqlama və xolesterin dəyərlərinin yaxşılaşması göstərilir.
Sherg.az xəbər verir ki, adətən 16 saat ac qalmaq tövsiyə olunsa da, bəzi insanlar bu müddəti 24 saata qədər uzadır.
Araşdırmalara görə:
İlk 4 saatda həzm dayanır, insulin azalır, bədən depolanan şəkəri enerji üçün istifadə etməyə başlayır.
8-ci saatda qaraciyərdəki qlikogen sərf olunur.
12-ci saatda “mini-ketoz” mərhələsi başlayır, yağlar enerji mənbəyinə çevrilir.
13-cü saatdan sonra “autofagiya” prosesi işə düşür: orqanizm zədələnmiş hüceyrələri təmizləyib yeniləyir.
24 saatın sonunda bədən “dərin təmir” moduna keçir, iltihab azalır, insulin həssaslığı artır.
Lakin mütəxəssislər xəbərdarlıq edir ki, uzun müddət ac qalmaq hər kəs üçün uyğun deyil. Çünki ketonların artması ketoasidoz kimi təhlükəli vəziyyətə səbəb ola bilər, həmçinin həddindən artıq autofagiya hüceyrə ölümü və orqan zədələnməsi riski daşıyır.
Son elmi araşdırmalar isə göstərib ki, aralıqlı oruc klassik kalori məhdudiyyətinə əsaslanan pəhrizlərdən daha üstün nəticə vermir.
