Ət yeməklərinə qatılan ədviyyatlar düzgün seçilmədikdə təkcə xörəyin dadına deyil, həm də insan sağlamlığına mənfi təsir göstərir.
Teleqraf xəbər verir ki, mütəxəssislərin fikrincə, bəzi ədviyyatlarla ehtiyatlı olmaq lazımdır.
Darçın xoş ətri və ləzzəti ilə tanınsa da, qaraciyər və ürək-damar sağlamlığına mənfi təsir göstərə bilər. O, həmçinin ətin təbii dadını üstələyir, yeməyin tarazlığını pozur. Buna görə də ət reseptlərində ondan istifadə tövsiyə olunmur.
Sarımsaq faydalı hesab edilsə də, həddindən artıq istehlakı qan durulaşdırıcı xüsusiyyətlərinə görə təhlükəli sayılır. Xüsusilə ət yeməklərində ondan az istifadə edilməlidir, çünki qanaxma riskini artırır.
Keşniş bəzi insanlarda qaşınma, hətta anafilaktik şok da daxil olmaqla ciddi allergik reaksiyalara səbəb ola bilər. Ət yeməklərində istifadə etməzdən əvvəl istehlakçılar bu ədviyyata allergiya riskinə diqqət yetirməlidirlər.
Xörəyə çoxlu dəfnə yarpaqlarının qatılması ona acı dad verə bilər. Bu isə həssas mədə və bağırsaqları olanlarda narahatlıq yaradacaq.
Ədviyyatlardan istifadə zamanı nəzərə alınmalı bəzi məsləhətlər:
Təhlükəsiz və sağlam ədviyyatlar seçin. Kəklikotu, reyhan, marjoram, rozmarin və şirin paprika kimi ədviyyatlar həm ləzzət, həm də sağlamlıq faydaları əlavə edir.
Təzə nanə, cəfəri və ya şüyüd kimi göyərtilər isə yeməklərə təbii dad verir, eyni zamanda vitamin və minerallarla zənginləşir.
