Tiktok istifadəçisi Sara Davies ağcaqanadlardan qorunmaq üçün asan həll təklif edib. Saranın tiktokda yerləşdirdiyi video milyonlarla izləyici tərəfindən bəyənilib. Hər kəs ağcaqanadlardan yanıqlıdır, ona görə. Saranın təklif etdiyi üsul axşam və ya gecə saatlarında bağçada əyləşib sərinlənmək istəyənlər üçün çox uyğundur. Bu üsulla ağcaqanadları uzaqlaşdırmaq, xoş ovqat yaratmaq mümkündür. Təbii sitronella qabı yaratmaqla hətta milçəklərin sizə yaxınlaşmasının qarşısını ala bilərsiniz.
Sherg.az “Milliyet.com.tr”yə istinadən zərərvericilərə qarşı mübarizə həllinin təfərrüatlarını təqdim edir. Saranın sitronella “tələ qabı” təkcə ağcaqanadları uzaqlaşdırmır, həm də bağçanızda estetik baxımdan xoş görünür. Sizə lazım olan hər şey bir neçə əsas vəsait və bir az yaradıcılıqdan ibarətdir. Bu qabı yaratmaq yay axşamlarınızın zərərvericilərdən təmiz və dinc keçməsini təmin edəcək. Başlamaq üçün sizə böyük bir şüşə vaza və ya balıq qabına bənzər bir qab lazımdır. Əvvəlcə vazanızı hazırlayın və bir neçə dilim təzə limon, bir ovuc lavanda budaqları və bir neçə budaq təzə rozmarin əlavə edin. Bu maddələr həm xoş qoxu yayır, həm də ağcaqanadları dəf etməkdə təsirli olur. Sonra qarışığa 5-10 damcı sitronella yağı əlavə edin. Sitronella, ağcaqanadların xoşlamadığı güclü bir qoxuya malikdir. Vazanın səthinə bir neçə üzən şam qoyun. Şamları yandırdığınız zaman sitronella qoxusu yayılmağa başlayacaq və qabınız yenə də qəşəng bir dekor parçası kimi görünəcək. Şam alovları ağcaqanadları effektiv şəkildə dəf edərək, sitronella yağının təsirini gücləndirə bilər. Sitronella limon otundan əldə edilən təbii yağdır və ağcaqanadları bu qoxu dəf edir. Lavanda, rozmarin və limon dilimləri də xoş ətir verir və sitronellanın təsirini artırır. Saranın videosu tiktokda tez bir zamanda əhəmiyyətli çəkişmə qazandı. İstifadəçilər bu sadə, lakin təsirli ideyanı dərhal həyata keçirmək istədiklərini bildirdilər.
Bir izləyici "nə gözəl fikirdir, Sara. Bu, çox gözəl yay bəzəyidir", deyə rəy yazıb. Bu yay sizi narahat edə biləcək yeganə zərərvericilər ağcaqanadlar deyil. Arılar, güvələr və uçan qarışqalar da sizin dincliyinizi poza bilər. Nanə yağı bu zərərvericilərin ən çox bəyənmədiyi qoxulardan biridir. Bir sprey şüşəsinə su və bir neçə damcı nanə yağı əlavə edib verandanıza və ya balkonunuza səpə bilərsiniz. Darçın, nanə, qara bibər, paprika, mixək və ya sarımsaq kimi ədviyyatlar və otlar uçan qarışqaları dəf etmək üçün təsirli üsullardır. Bu inqrediyentləri kiçik qablara və ya pambıqdan kiçik yumaqlar üzərinə töküb evinizin giriş nöqtələrinə yerləşdirə bilərsiniz. Sitronella ilə yanaşı, evkalipt və lavanda kimi efir yağları da ağcaqanadları dəf edə bilər.
Məlahət
