
Politoloq: Amerikanın Cənubi Qafqazla bağlı öz siyasi gündəliyi var
13:19 28.06.2024
Siyasət
706
Azərbaycan Respublikasının Prezidenti İlham Əliyev iyunun 28-də Amerika Birləşmiş Ştatları Dövlət katibinin Avropa və Avrasiya məsələləri üzrə köməkçisi Ceyms O’Braynı qəbul edib.
Ceyms O’Brayn ABŞ Dövlət katibi Antoni Blinkenin bu yaxınlarda Prezident İlham Əliyev ilə telefon danışığını və bu əsnada aparılan müzakirələri məmnunluqla qeyd etdi. O, ABŞ-ın regional sülh gündəliyinin irəliyə aparılmasına sadiqliyini və bu prosesi dəstəkləməyə hazır olduğunu vurğuladı. Azərbaycan ilə ABŞ arasında müxtəlif sahələrdə əməkdaşlığın, o cümlədən əlaqələrimizin strateji səviyyədə daha da inkişaf etdirilməsi məsələlərinin vacibliyini qeyd etdi. Bu xüsusda regional əməkdaşlıq, Orta Dəhliz və digər məsələlər müzakirə olundu.
Prezident İlham Əliyev Antoni Blinkenlə telefon danışığını məmnunluqla xatırladı, bu telefon danışığı əsnasında əlaqələrimizin geniş spektrinin müzakirə olunduğunu dedi.
Azərbaycan ilə ABŞ arasında ölkəmizin müstəqilliyinin ilk günlərindən müxtəlif sahələrdə uğurlu əməkdaşlığın qurulduğu vurğulandı.
Söhbət zamanı Azərbaycanın Avropanın enerji təhlükəsizliyində oynadığı rol, Azərbaycan ilə ABŞ arasında enerji sahəsində əməkdaşlıq, COP çərçivəsində iki ölkənin nümayəndə heyətlərinin səmərəli və faydalı məsləhətləşmələrinin olduğu qeyd edildi. COP29-un uğurla nəticələnməsi üçün ABŞ-ın öz dəstəyini bundan sonra da davam etdirəcəyi vurğulandı.
Sosial Tədqiqatlar Mərkəzinin (STM) sektor müdiri, politoloq İlyas Hüseynov “Sherg.az”a bildirib ki, Amerika Birləşmiş Ştatları Cənubi Qazqazda gedən proseslərdə və Azərbaycanla Ermənistan arasında sülh məsələlərində iştirak etmək niyyətini ifadə edir:

“Məhz bu xüsusda ABŞ Dövlət katibinin Avropa və Avrasiya məsələləri üzrə köməkçisi Ceyms O’Brayn Azərbaycan səfər edib. Şübhəsiz ki, Amerikanın Cənubi Qafqazla bağlı öz siyasi gündəliyi var. Həmin gündəlik isə əsas etibarilə kommunikasiya xəttlərinin açılması, nəqliyyat və logistika əməliyyatları, avtomobil və dəmir yolu yönündədir. Yəni Amerika çalışır ki, Mərkəzi Asiya və Cənubi Qazqaz arasında bağlantılar formalaşsın. Çin ilə Avropa İttifaqı arasında ticarət dövriyyəsi nəqliyyat anspektinin genişləndirilməsi məqsəd kimi irəli sürülür. Eyni zamanda, Bakı və Vaşinqton arasıdakı münasibətlər də masaya yatırılacaq. Digər tərəfdən Bakı və İrəvan arasında sülh müqaviləsinin sürətləndirilməsi, sərhədlərin delimitasiya və demarkasiyası haqqında da fikir mübadiləsi aparılacaq. Azərbaycanın əsas istəyi ABŞ-nin proseslərə balanslı yanaşması, Ermənistanın hansısa güzəştlər və imtiyazlar əldə etməsi məsələsini ortaya qoymamasıdır. Həmçinin, Prakmatiq və rasional regiondakı yeni geosiyası reallıqları nəzərə almaqla münasibətləri nəzərdən keçirməsi və bunun əsasında qərarlar qəbul olunmasıdır”.
Oxşar xəbərlər
Xəbər lenti
Hamısına bax
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya
Bakı Dialoqunun yekun Bəyannaməsi BMT-nin rəsmi sənədi kimi yayılıb
16:30 18.11.2026
Dünya
Putin və Tramp Çində ayaqüstü söhbət ediblər
16:13 18.11.2026
Gündəm
Kino Agentliyi “Azərbaycanfilm” kinostudiyasına köçürüləcək
16:07 18.11.2026
Mədəniyyət
Yeni dünya düzəni qurulmur, Putinə isə imic lazımdır - ŞƏRH
16:04 18.11.2026
Gündəm
Abşeronda yük maşınlarından 10 min manatlıq oğurluq edilib
15:57 18.11.2026
Hadisə
Oğuzda avtoxuliqanlıq edən sürücü həbs olunub
15:32 18.11.2026
Hadisə
Sumqayıtda bir nəfər dənizdə batdı - VİDEO
15:20 18.11.2026
Hadisə