Müğənni Cennifer Lopes "American Music Awards" mərasimindən əvvəl məşq zamanı ciddi zədə alıb.
Oxu.Az-ın verdiyi məlumata görə, bu barədə "People" nəşri xəbər verib.
Məlumata görə, məşq zamanı sənətçinin burun çəpəri zədələnib.
Lopes özü sosial şəbəkə hesablarında bildirib ki, bir həftə ərzində tam sağalacağını gözləyir.
Qeyd edək ki, "American Music Awards" mükafatlandırma mərasimi mayın 26-da keçiriləcək. Cennifer Lopes bu il tədbirə 2015-ci ildən sonra ilk dəfə aparıcı qismində təntənəli qayıdış etməyə hazırlaşır.
