Qadınların peşə təhsilində iştirakı 2021-ci ildə 29.6 faizdən 2025-ci ildə 40 faizə yüksəlib.
Bunu Peşə Təhsili üzrə Dövət Agentliyinin direktoru Ceyhun Kərəmov bu gün keçirilən brifinqdə deyib.
O bildirib ki, bir sıra mərkəzlərdə ilk dəfə qadın məzunların sayı 50 faizə çatıb: “Məsələn, Lənkəran buna nümunədir. Ümumilikdə qəbul yerlərinin 60 faizi regionlar üçün nəzərdə tutulub”.
Ceyhun Kərəmov qeyd edib ki, ən çox plan yeri aşpaz, dərzi, elektrik montyoru, mühərrik, bərbər-vizajist kimi ixtisaslara ayrılıb.
