Türkiyənin xarici işlər naziri Mövlud Çavuşoğlu və ABŞ dövlət katibi Reks Tillerson arasında telefon danışığı olub.
APA-nın məlumatına görə, bu barədə "Anadolu” agentliyi xəbər verib.
Telefon danışığının detalları açıqlanmır.
Bundan öncə noyabrın 3-də M. Çavuşoğlu və R. Tillerson arasında telefon danışığı olub. Eyni zamanda 7-11 noyabr tarixlərində baş nazir Binəli Yıldırımın ABŞ-a səfər edəcəyi açıqlanıb.
Qeyd edək ki, oktyabrın 8-də ABŞ Türkiyə vətəndaşlarına viza verilməsini dayandırıb. Buna ABŞ-ın İstanbuldakı Baş Konsulluğunun əməkdaşı Metin Topuzun həbsi səbəb olub. M. Topuz FETÖ terror təşkilatı ilə əlbir olmaqda təqsirli bilinərək həbs edilib. Türkiyə rəsmi Vaşinqtonun qərarına cavab olaraq ABŞ vətəndaşlarına viza verilməsini dayandırıb.
