"1919-cu ildə bu istək baş tutmadı. 1920-ci ildə növbəti cəhd oldu, amma nakam qaldı, yenə baş tutmadı. Cümhuriyyət süquta yetirildi. Onu biz etik”.
Sherg.az-ın xəbərinə görə, bu sözləri parlamentin iclasında milli atributlarla bağlı müzakirə zamanı deputat Fəzail İbrahimli deyib. Millət vəkili qeyd edib ki, himndə Azərbaycanın təqdimatı, tarixi var:
"Bundan necə imtina etmək olar? Dünyada elə bir himndə varmı ki, millət öz canını qurban verməyə hazır olsun? Bunun harasını çıxartmaq olar? Himn səslənəndə, bir dəqiqə ayaq üstə durmaq nə çətin məsələdir? Toxunmaq olmaz belə şeylərə! Xahiş edirəm bu məsələlərdən yan keçin, başqa məsələlərlə oynamaq olar!”.
Spiker Oqtay Əsədov deputata cavab verib:
"Yan keçirik, narahat olmayın. Görürsünüzmü səsə qoyuruq”.
Qeyd edək ki, Milli Məclisin iclasında "Azərbaycan Respublikası Dövlət Gerbinin təsvirinin təsdiq edilməsi haqqında”, "Azərbaycan Respublikası Dövlət Himninin musiqisinin və mətninin təsdiq edilməsi haqqında" Konstitusiya qanunlarının ikinci oxunuşunda aparılan müzakirələr zamanı deputatlar atributlara dəyişikliklərlə bağlı bir sıra təkliflər irəli sürüblər.
Anar
