Müğənni Fədayə Laçınla bağlı Mədəniyyət və Turizm Nazirliyi heç bir şərh vermir"
Bu barədə "Sherg.az"a adıçəkilən sənət adamının "Qoca" ləqəbi ilə tanınan kriminal avtoritet Etibar Məmmədovun vaqondan qaçmasına kömək etməsinə və ya ümumilikdə kriminala meyl edən müğənnilərin sayının artmasına münasibət bildirərkən qurumun sözçüsü Vüqar Şıxəmmədov bildirib.
Təkidlərimizə baxmayaraq o, bu barədə danışmaq istəmədiyini söyləyib:
"Uzatmayaq, həmin məsələyə dair şərh vermirik”.
Qeyd edək ki, oktyabrın 23-də Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
Qaçan məhbuslardan Əli Ağami bir neçə gün sonra Şirvan şəhərində tutulub.
"Qoca" ləqəbi ilə tanınan Etibar Ələkbər oğlu Məmmədovun axtarışı istiqamətində tədbirlər davam etdirilir. Müğənni Fədayə Laçın da var və hətta onun "Qoca" ilə videogörüntüsü, şəkilləri yayıldı.
Müğənni F.Laçın məhkəməyə cəlb edilib. Onun barəsində Nəsimi Rayon Məhkəməsinin qərarı ilə 3 ay müddətinə həbs qətimkan tədbiri seçilib.
Ayyət Əhməd
