"Beynəlxalq təcrübəyə görə, jurnalist ittifaqlarının nəzdində təhlükəsizlik fondları mövcud olur. Həmin fond da jurnalistlərə ekstremal durumlarda maddi yardım göstərir”.
Bunu "Sherg.az”a "Yeni Azərbaycan” qəzetinin parlament müxbiri Nardar Bayramlının autizm xəstəliyindən əziyyət çəkən 5 yaşlı oğlu Tunar üçün kömək istəməsindən danışarkən Mətbuat Şurası sədrinin müavini, Jurnalistlərin Həmkarlar İttifaqının sədri Müşfiq Ələsgərli deyib.
Onun sözlərinə görə, maddi yardım olunmasında şərt qoyulur:
"Belə ki, jurnalistin maddi ehtiyacı onun peşə fəaliyyətini yerinə yetirməsinə görə aldığı xəsarət, təqib və ya işsiz qalmasına görə, yaranmalıdır. İndiki halda Nardar Bayramlının üzləşdiyi problem onun peşə fəaliyyəti ilə bağlı deyil. Bu baxımdan biz fondlara onun üçün yardım almaq məqsədilə müraciət edə bilmirik. Amma bu cür məsələlər təkcə beynəlxalq praktika ilə tənzimlənmir, bizim öz dəyərlərimiz var. Jurnalist övladı, yaxud başqa bir sahədə çalışan şəxsin övladı olmasına baxmadan, insanlara ehtiyac anında yardım göstərmək bir mənəvi borcdur. Hələ ki, bu ehtiyac bir uşaq, gələcəyi olan bir şəxs üçündürsə, bu məsələdə hər kəs əlindən gələni etməlidir. Bu, bir humanist aksiyadır və məcburiyyət olmadan, hər kəs bacardığı yardımı göstərməlidir".Qeyd edək ki, övladının 2 ildir bu xəstəlikdən əziyyət çəkdiyini bildirən jurnalist onun müalicəsinə kömək edilməsi üçün bank hesabı açıldığını bildirib. Nardar Bayramlı övladını müalicə etmək üçün imkanı olmadığını, onun üçün ayda yalnız 300-400 manat xərcləyə bildiyini vurğulayıb və kömək istəyib.
Aysel Aslan
