"Görüş öncəsi Ermənistan ordusunun təxribatından aydın olur ki, ordu tam şəkildə Paşinyan siyasi hakimiyyətinə tabe deyil”.
Bunu "Sherg.az”a açıqlamasında politoloq Məhəmməd Əsədullazadə deyib.
Analitik bildirib ki, Qarabağ münaqişəsinin nizamlanması üzrə Vyanada keçiriləcək görüş öncəsi Azərbaycan ordusunun təmas xəttində şəhid verməsi birbaşa danışıqların pozulmasına, xüsusi ilə bundan sonrakı etimad mühitinin formalaşmasının qarşısının alınmasına yönəlib:
"Tərəflər arasında mümkün kompromis əldə olunmasına qarşı orduda müəyyən qüvvələr buna qarşı olacaq və silahlı qiyama əl atacaq, təxribatlar törədəcək. Deməli, İrəvanla hazırkı situasiuada danışıqlar mənasızdı.
Erməni ordusunda kök salmış Rusiya agentura şəbəkəsi belə pozuculuq fəaliyətinə əl atıb, mövcud iqtidara qarşı təzyiq edəcəklər. Paşinyan orduda təmizlik işləri aparmadan, "Qarabağ klanı”nın qalıqlarını təmizləmədən danışıqlarda Qərbin hansısa planını reallaşdıra bilməyəcək.
Azərbaycan belə olan təqdirdə İrəvanla hansı danışıqlara getməlidir? Vyana görüşü sadəcə Paşinyana atəşkəsin qorunması üçün vacib görünür. Biz bu kimi danışıqlara status-kvonun qorunması üçün istifadə edilməsinə imkan verməməliyik. Vyana görüşündən ciddi münaqişənin həllinə yönələn proses nəzərə çarpmasa, bundan sonrakı danışıqlara qatılmaq vaxt uzatmaq olacaq”.
Ekspert bildirib ki, Azərbaycan Vyana görüşündən sonra işğalçıya qarşı təzyiq siyasətini yenidən başlamalıdır:
"Mən ötən həftə şərhimdə qeyd etmişdim ki, Rusiya Qarabağda provakasiya hazırlaya bilər. Bu qeydlərim özünü doğrultdu. Vyana görüşü ərəfəsində Rusiyaya bağlı olan erməni ordusu təxribat edərək əsgərimizi şəhid etdi. Rusiya Paşinyana onun iradəsindən kənar danışıqlar aparmasına imkan verməyəcək. Ona görə də biz Vyana görüşündən müsbət irəliləyiş gözləməməliyik. İlk növbədə Ermənistan tərəfi buna getməyəcək, ərazilərin boşaldılmasına hazır deyillər”.
İsmayıl
